Actividaes

Amás de participar en muestres de folclore y festivales, el Grupu de Baille Tradicional de Fitoria entama dos eventos añales de gran repercusión na escena folk d’Asturies.

El primeru ye una espicha-conciertu que tien llugar nos meses d’abril o mayu. L’eventu ye yá un referente de l'axenda folk primaveral n’Asturies.

El segundu ye la Nueche Folk de Fitoria, que vien faciéndose dende l’añu 2000 y que consigue aconceyar a cada vegada más xente gracies a la calidá de los conciertos que s’ufierten. Pel escenario d’esta nueche folk pasaron dende grupos nacionales tan importantes como Felpeyu, Gatos del Fornu, Corquiéu, La Bandina, Tejedor y La Curuxa a músicos de la talla de Fred Morrison.