El grupu

El Grupu de Baille Tradicional de Fitoria fundóse en 1989 col nome d’Asociación Folclórico-Cultural San Antonio de Fitoria, baxo la direición de Joaquín Ruiz Prado.

Nel so entamu, el grupu foi creáu pa participar nes fiestes patronales del pueblu, n’honor a San Antonio.

El Grupu de Baille Tradicional de Fitoria pon especial procuru na tresmisión de los bien de cantares, bailles y dances de les diferentes fasteres d’Asturies, cuidando de ser fiel al so orixe y dando amuesa de la gran bayura cultural asturiana. Nesti sen, la indumentaria utilizada correspuende al traxe tradicional asturianu de finales del sieglu XVIII y entamos del XIX. Toles prendes tan feches a base de texíos naturales (llino, llana, ...).

Dende la so creación, el Grupu de Baille Tradicional de Fitoria tien participa en festivales culturales per dayures n’Asturies, así como n’eventos solidarios, homenaxes, romeríes y muestres de folclore. El grupu tien participao también en dellos festivales nacionales e internacionales y realiza davezu intercambios culturales con grupos de llugares diversos.

Anguañu, el grupu ta formáu por más de 20 persones ente gaiteros, tamboriteros, pandereteres y pareyes de baille.

Axenda

Más información en Facebook.



Noticies

05/07/2016 El Comercio
Fitoria termina les sos fiestes
22/06/2016 La Nueva España
Asturies alluma la nueche de San Xuan